2011-2012 denboraldi berriaren hasiera ARTIUMen
iraila 12, 2011
Prentsa oharra (pdf)
Erakusketak:
Esther Ferrer. Lau mugimendutan
Komisarioa: Rosa Olivares
Ekoizleak: ARTIUM (Vitoria-Gasteiz), eta Acción Cultural Española (AC/E),
CGAC-ekin (Compostelako Donejakue) eta Es Baluard-ekin (Palma de Mallorca) laguntzarekin
Babesleak: Naturgas Energia eta Arabako Foru Aldundia
Laguntzailea: Montehermoso Kulturunea
Praxis. Jenny Marketou. Paperophanies
Komisarioa: Blanca de la Torre
Ekoizlea: ARTIUM
Egonaldiak.ARTIUM Bildumaren inguruko lehengoratze-jarduerak
Komisarioak: Mar Villaespesa eta BNV Producciones (Joaquín Vázquez),
ondokoen parte-hartzearekin: Bulegoa z/b, Fundación Rodríguez, Valentín Roma eta Laura Trafí-Prats
Ekoizlea: ARTIUM
Babesleak: Kultura Ministerioa, Arabako Foru Aldundia
Carmelo Ortiz de Elgea, José Luis Zumeta. Argia barrura
Komisarioak: Daniel Castillejo eta Enrique Martínez Goikoetxea
Ekoizlea: ARTIUM
Babesleak: Tubacex, Norbega eta Arabako Foru Aldundia
Araba, artearen agertoki garaikidea
Liburu erakusketa
Komisarioa: ARTIUMeko Dokumentazio Zentroa
Ekoizlea: ARTIUM
Katastrofeak
Erakusketa pedagogikoa
Komisarioa: Charo Garaigorta
Ekoizlea: ARTIUM
Esther Ferrer. Lau mugimendutan
Iparra aretoa
Komisarioa: Rosa Olivares
Ekoizleak: ARTIUM (Vitoria-Gasteiz), eta Acción Cultural Española (AC/E), CGAC-ekin (Compostelako Donejakue) eta Es Baluard-ekin (Palma de Mallorca) laguntzarekin
Babesleak: Naturgas Energia eta Arabako Foru Aldundia
Laguntzailea: Montehermoso Kulturunea
Erakusketaren katalogoa, Margarita de Aizpuru, Tom Johnson, Rosa Olivares, David Pérez Rodríguez, Sergio Rubira eta Alberto Sánchez Balmisa-ren testuekin
Esther Ferrer-en performancea: urriaren 7an, ostirala, 17.30ean
Urte askoz sortze lan egitetsuan murgildurik lan sail kopuru handia garatu ondoren eta ia mundu osoan zehar performanceak egin ondoren, nazioarte mailan performatzaile garrantzitsuenetakoen artean kokatu ondoren, Esther Ferrer-en lana Espainian ezagutzen hasi da.
Egia da Esther Ferrer-en lanak (Donostia, 1937) tarteka balioespena izan duela, bakarkako erakusketen itxuran, Euskadin bereziki, eta pixkanaka, azken urte hauetan, Espainiako toki batzuetan eta besteetan egin dituen lantegi eta performanceen eran. Hala ere, 2008an Arte Plastikoen Sari Nazionala jaso zuenetik aurrera hasi ziren bere irudia, bere izena eta kontzeptuzko arteari egin dion ekarpenaren garrantzia ezagunak egiten.
Erakusketa honek ez du antologikoa izan nahi, eta ezta bere ibilbide osoa edota sorkuntzan landu dituen arlo guztiak erakusteko ahalegina ere. Lau alditako ekintza gisa eratu da, bai bere lanean eta bai lan kontzeptualean, oro har, funtsezkoak diren kontzeptuen trataeraren bakarkako planteamendu gisa.
Erakusketa lau kontzpeturen gainean oinarritzen da: Denbora, Amaigabea, Errepikatzea eta Presentzia. Kontzeptu horietako bakoitza Esther Ferrer-en hiru eratako lanetik abiaturik aztertuko da. Lehenik eta behin, objektuak diren lanak, argazkia, laukiak eta beste era askotakoak. Bigarren, museoko aretoetan berariaz egindako instalazioak, bat edo beste lehendabiziko aldiz egina. Eta, azkenik, kontzeptu bakoitza performance baten bidez azalduko da. Erakusketa batek adina iraun dezakeen performancerik egin ezin denez, atal hau material dokumentalen bidez osaturik egongo da: marrazkiak, argazkiak eta bideoak, berez artelantzat jo ezin daitezkeenak.
Erakusketa honek hamabi artelanen bidez Esther Ferrer-en lanaren alderdi guztiak eta gauzatze guztiak ezagutzeko aukera emango dio ikusleari, hamabi lan horietan bere ibilbide osoan landu dituen gai garrantzitsuenak biltzen baitira. Erakusketak katalogoa du, eta Margarita de Aizpuru, Tom Johnson, Rosa Olivares, David Pérez Rodríguez, Sergio Rubira eta Alberto Sánchez Balmisa dira testuen egileak. Katalogoa ARTIUM-ek eta AC/E-k argitaratu dute.
Praxis. Jenny Marketou. Paperophanies
Iparra aretoa
Komisarioa: Blanca de la Torre
Ekoizlea: ARTIUM
Paperophanies-ek artearen, estiloaren, modaren, mugikortasun fisikoaren, subjektibotasunaren eta jendaurreko performance estrategien arteko lankidetza aztertzen du, aipatutako elementu horiek guztiak alderdi sozial, politiko eta ekonomikoak erabiltzeko eta DIY delakoa (do-it-yourself edota «zeuk egizu») eta opariaren ekonomia –Jenny Marketouren lanean behin eta berriz agertzen diren alderdiak– bultzatzeko tresnak izan daitezkeen aldetik.
Marketouk diseinu-lantegi bihurtzen du aretoa,«paperezko moda» kontzeptuaren inguruan. Izan ere, munduaren eta testuinguru sozio-politikoaren egoera hauskorra islatzen duen moda txit politizatuaren metafora bat da. «Paperezko moda»-ren erabilera, hirurogeietan kanpaina politikoetan, batez ere Estatu Batuetan, erabili ohi ziren soineko-posterretan inspiraturiko paperezko soinekoen tradizio luze batean oinarritzen da. Lantegi-instalazioa ere Parisen 1962ko protestaldietan ezaguna egin zen Atelier Populaire de l’Ecole des Beaux Arts delakoan oinarritu da.
Paperezko soinekoen zenbait lantegi zuzenduko ditu Marketouk, eta soineko horiek ebakinen tekniken bidez eta HAUSKOR hitzaren funtsa islatzeko parte hartzaile bakoitzak aukeratuko dituen hitz, esaldi eta mezuen patroiak erabiliz apainduko dira. Soineko bakoitzak egilearen izena eramango du, eta argazkia atera eta katalogatu ondoren, gero esekitoki batean zintzilikatuko da, edota aretoan sakabanaturik dauden maniki bati jarriko zaio. Soineko horiek proiektuak dirauen denbora osoan egongo dira lantegi-museoan, azkeneko ekintza burutu arte. Amaitzeko, parte hartzaile guztiek, bakoitzak bere paperezko jantzia soinean duela, performance-manifestaldia egingo dute.
PRAXIS programaren barruan egiten diren proiektuetan ohikoa denez, erakusketa aretoa gune aldakorra izango da, eta, aldi berean, ikuslearen, sortzailearen, laguntzailearen eta performatzailearen irudiak elkartuko diren lankidetza esparrua. Horrela, sorkuntza, erakusketa, ekoizpen eta ekoizkin kontzeptuen arteko elkar jotzea gertatuko da, eta horietatik abiatuz Marketouk piezak sortzeko prozesuan jolasa, frustrazioa eta harridura elkartuko diren proiektu bat garatuko du.
Egonaldiak. ARTIUM Bildumaren inguruko lehengoratze jarduerak
Ekialde-Behekoa aretoa
Komisarioak: Mar Villaespesa eta BNV Producciones (Joaquín Vázquez), ondokoen parte-hartzearekin: Bulegoa z/b, Fundación Rodríguez, Valentín Roma eta Laura Trafí-Prats
Ekoizlea: ARTIUM
BabesleaK: Kultura Ministerioa eta Arabako Foru Aldundia
ARTIUM Bildumaren inguruko Egonaldiak proiektuaren xedea bilduma bat egiteko estrategiak aztertzea da, eta hark sortzen duen ezagutza nola eraikitzen eta erakusten den. Artelana bilduma batean sartzen den momentuan, Museo erakundearen esparru sinbolikoaren parte bihurtzen da, haren eginkizuna gogoetabidea antolatzea eta gizarteari eta etorkizunerako gorde behar den ondareari buruzko ezagutza finkatzea baita. Nola berreskuratu artelanen ahalmen politikoa eta berpiztu beren izaera apurtzailea ezagutzaren esparru ofizial horren zaintze arauen pean geratzen direnean?
Erakusten diren artelan eta esku-hartzeez lekora, prozesua eta testuingurua barne hartzen dituen eragiketa sorta batean parte hartzeko gonbidapena da, erakundea eta bildumako artelanak erabiltzeko modu berriak eta harreman berriak ahalbidetuko dituzten antzerki saio, lantegi eta laborategietan parte hartzea eskainiz.
Carmelo Ortiz de Elgea, José Luis Zumeta. Argia barrura
Hegoa aretoa
Komisarioak: Daniel Castillejo eta Enrique Martínez Goikoetxea
Ekoizlea: ARTIUM
Babesleak: Tubacex, Norbega eta Arabako Foru Aldundia
Erakusketaren katalogoa Ángel Lertxundi, Pako Aristi, Mª José Aranzasti, Daniel Castillejo eta Enrique Martínez Goikoetxea-ren testuekin
Carmelo Ortiz de Elgeak (Aretxabaleta, Araba, 1944) eta Jose Luis Zumetak (Usurbil, 1939), bren azken lanen sorta hautatua erakutsiko dituzte ARTIUMen Hegoa aretoan. Bien arteko elkarrizketaren bidez, Euskal Eskolaren garaian garatutako margolaritzarekiko konpromisoa nabarmenduko da (Elgea Orain taldearen kide izan zen, eta Zumeta, berriz, Gaur taldearena). Formatu handiko 40 margolanen bidez, ibilbide luzeko bi artista berreskuratuko dira, gogotsuak, energiaz beteak eta, teknologia berrien aro honetan, sortzeko modu txit adierazkor, intuitibo, arin eta formalari eta intelektualki askeari leial izaten jarraitzen dutenak. Erakusketa honekin argitaratuko den katalogorako, komisarioenez gainera, Ángel Lertxundiren, Pako Aristiren eta Mª José Aranzastiren testuak izango ditugu.
«Norbaitek hala uste izango balu ere, de Carmelo Ortiz de Elgearen eta Jose Luis Zumetaren erakusketaren izenburuaren xedea ez da barruko argia aipatzea, are esango nuke, ez dela toki ilun bat argitzeaz ere ari. Are gehiago esango nuke, bertso hau atera den Juan Gelmanen poema ez da, urrundik ere, ez margolaritzaz, ez arteaz eta ezta artistez edre ari. Orduan, zer da Argia barrura? Erreferentzia librea da, ideia lotze misteriotsua jarrera baten aurrean, oihal zuriraino biek –bakoitzak bere tokian, jakina–, ematen dituzten hiru pausoetan garatzen den bizi jarrera baten aurrean. Margolaritza bizi, zuzen, intuitibo, aberetua, beren lantegietan egunero abian jartzen den alanbikeak destilatutako izerdiaren antzera.» (Daniel Castillejo)
Araba, artearen agertoki garaikidea
Liburu erakusketa
ARTIUMeko liburutegia
Komisariotza: ARTIUMeko Dokumentazio Zentroa
Ekoizlea: ARTIUM
ARTIUMeko Dokumentazio Zentroak antolatu duen liburu erakusketa berriaren gaia Araba inspirazio iturri izan duten artista plastiko, idazle, musikagile eta zinemagileen lana da.
Erakusketan, arte garaikidearen motibo, euskarri edota agertoki izandiren toki batzuk eta besteak egongo dira ikusgai, haren adierazpide batzuetan eta besteetan: Vitoria-Gasteizko eta Arabako landa inguruko paisaia, hirigintza eta arkitektura, haibeste aldiz margolanetan eta argazkietan erretratatuak, eskultura publikoen, horma irudien eta kaleko artearen kokaleku, edota zinemagintzarako, bideoarterako, musikarako eta literaturarako agertoki gisa aukeratuak.
Erakusketa honetan monografia, erreferentzia liburu, erakusketen katalogo, musika, pelikulak eta ikus-entzunezko beste material mota batzuk egongo dira ikus-entzulearen esku, guztiak ARTIUMen Liburutegi eta Dokumentazio Zentrokoak.
Gainera, eduki kudeatzaile birtual batek dokumentatuko du erakusketa, eta han, denboran zehar Araba artearen agertoki nola izan den erakutsiko da, liburuen, bideoen eta gaiari buruzko web baliabideen bidez.
Katastrofeak
Erakusketa pedagogikoa. Colección ARTIUM Bildumako lanak
Atari aretoa
Komisarioa: Charo Garaigorta
Ekoizlea: ARTIUM
Ilargia bezain urruna eta gogora ekarria, gizonak zein naturak eragin dezakete katastrofea. Nahiz batera nahiz bestera, ezer ez da lehen bezala izango, era askotako eraldatzeak gertatzen dira, gune fisiko eta mentala ez da inoiz lehengoa bera izango, gehienetan bizitza-asmoa berbideratu behar izaten baita. Itsasikarak, suteak, bonbak, lapurretak, armadun eroak, gerrak… horra gure zibilizazioaren historia. Zer ikas dezakegu honekin guztiarekin? Zer adierazten digu geure buruaz?
Erakusketa honek katastrofe kontzeptua aztertu nahi du gizarte garaikidean, Mikel Eskauriazak, Kchok, Luis Cruz Azacetak eta Oteizak ARTIUM Bilduman dituzten lan batzuk oinarri hartuz. Asmoa ez da morbosotasunetik gogoeta egitea, bakuntasun baikorretik baizik, katastrofeetatik zer ikas dezakeegun planteatuz.
ARTIUM Bildumako lanekin egiten diren erakusketa pedagogikoak –hasiera batean haurrentzako pentsatuak–, Zentro-Museoak hala eskolako programetan nola gizarteratzeko beste ekintza batzuekin loturiko programetan egiten duen lanetarako tresna bikaina dira.
Zentro-museoaren ordutegia
Asteartetik ostiralera: 11.00etatik 14.00etara eta 17.00etatik 20.00etara
Larunbat, igande eta jaiegunak: 11.00etatik 21.00etara (jarraian)
Jaiegun ez diren astelehenak: itxita
Tarifa orokorra: 6 €
«Zuk nahi duzuna»*tarifa:
• Urteko asteazken guztietan
• Erakusketa bat inauguratu eta hurrengo aste buruan
• Ikasle, langabetu, erretirodun eta 14 urtez behekoak
*«Zuk nahi duzuna» tarifa: zure esku dago ordaintzen duzun eta zenbat. Jasotako dirua programak garatzeko eta zentro-museoa mantentzeko erabiliko da.
Urteko txartela: 10 €
Erosten den egunetik eta urtebetez erakusketak ikusteko
Liburutegi eta Dokumentazio Zentroaren ordutegia
Astelehenetik ostiralera: 11.00etatik 14.00etara eta 16.00etatik 19.30era
Larunbatak: 10:00etatik 14:00etara
Igandeak: itxita
Sarrera doan
Volver al listado