Eskolarako programak

Arteak pentsatzen eta munduari beste era batera begiratzen erakusten dizu

DBH eta Batxilergorako Programak (2010-2011):

Liburuxka

Zernahi irakasten duzula ere, bazenekien ARTIUM baliabide didaktiko osagarri gisa erabil dezakezula eta zure ikasleek irakasten diezun gaiarekin loturiko artelanak ikus eta azter ditzaketela?

• bisitaldi gidatua (Ordubete)
  Aukera labur honekin, zure ikasleak arte garaikidearekin harremanetan sartuko dira bisitaldi bakar batean. Bisita hori orokorra izan daiteke, edota gai zehatz baten ingurukoa, zure interesen edota irakasten duzun gaiaren arabera.
• lantegi-bisitaldia (2 ordu)
  Aukera honetan, zure ikasleek hautatutako artelanekin zerikusia duen lantegi praktiko baten bidez osatuko dute museoko bisitaldia. Eta beti bezala, zuk aukeratu ahal izango duzu gaia.

  Jarduera hauen erreserba telefonoz egin behar da, Hezkuntza eta Kultur Ekintza Sailera deituz: 945 20 90 10.

• zure neurrira
  Izena ematea, irailaren 24 arte

   

  Programa honetan ikasleekin landu nahi duzun gaia aukera dezakezu, eta guk artelan egokienak eta lantegian garatuko den jarduera erabakiko ditugu.

  Hiru parte ditu:

  • 1. Prestakuntza saioa ikastetxean (Ordubete)
    Arteko, publizitateko, prentsako eta, oro har, kultura garaikideko irudiak erabiliz, programan zehar lantzeko aukeratu den gaia aurkeztuko da.
     
  • 2. ARTIUM bisitatzea (2 ordu)
    Museoan parte hartzeko bisitaldi bat egingo dugu, hautatutako artelanen behaketan, interpretazioan eta elkarrizketan oinarriturik. Gero, taldeak jarduera bat garatuko du lantegian.
     
  • 3. Amaierako bisitaldia ikastetxean (Ordubete)
    Berriz ere ikastetxera itzuliko gara ikasleekin programaren alde esanguratsuenen inguruan eztabaidatu eta gogoeta egiteko.

• loturak (3 ordu) 
  Zinema eta arte garaikidea loturik gaurko gaien inguruko analisiari, eztabaidari eta hausnarketari atea zabaltzeko. Ikasleek pelikula bat ikusi eta gero, erabilitako gaiarekin zerikusia duten artelan batzuk behatuko dituzte erakusketa aretoan.

  DBHko 2. ziklorako eta Batxilergorako
  Aukerako pelikulak

• loturak +
  Loturak osatzeko, ikastetxean azken saio bat egitea proposatzen dizuegu. Bertan, museoan ikusitakoan sakonduko da.

  DBHko 2. ziklorako eta eta Batxilergorako 
  Aukerako pelikulak